По Божественній літурґії на Праздник Богоявленія за новым календарьом в русиньскім селі Якубяны, в окресі Стара Любовня, в понедільок посвятив ґрекокатолицькый парох Павел Валько воду в потоці Якубянка. „В минулости ся вода посвячала в потічках і ріках в многых парохіях, но поступно ся рікы і потічка зачали забруджовати. Якубянка є жрідлом воды на питя про веце сел в окресі Стара Любовня, значіть вода є чіста. Люди з ньой годны пити,“ повів містный парох. Валько, котрый є в селі девять років про аґентуру TASR повів, же люди ся у посвяченій воді і мыють, беруть собі єй домів, кедьже як віруючі вірять, же тота вода має силу хоронити перед хворотами і помагать в різных сітуаціях. На тото днесь вже унікатне посвячіня приходжають шторік люди нелем з містной парохії, але і з околіці.

(Медвідь, TASR)