x

Пряшівскый край оцінив педаґоґів

00

Пряшівскый самосправный край передав 40 плакет про найуспішнішых педаґоґів і штудентів середніх школ, котры край зряджує. Святочна подія проходила у віторок в Театрі Йонаша Заборьского в Пряшові. Край так оцінив резултаты в освіті по десятый раз, інформовала говоркыня краю Даша Єлєньова. Довєдна 20 педаґоґів здобыло плакету Яна Амоса Коменьского – Sophista pro regione – учітель мудрости про реґіон. Пропозіції на оцініня посылали директоры школ, о лавреатах рішыли членове теріторіялной школьской рады. В тім році пришло на ціну про педаґоґів 45 пропозіцій. Меджі оцінинима суть педаґоґове з Пряшова, Попраду, Бардейова, Старой Любовні, Кежмарку, Світу і Липан. О оцініню штудентів рішала комісія зложена із представителів одбору школства ПСК. Плакету Lux mentium – світло познаня, здобыло 20 штудентів, комісії пришло 41 пропозіцій.
(Медвідь, Korzár)