Знамый ґенеолоґ Михал Разус з Пряшова ся заподівать гляданьом і спрацованьом родокоріня. Його робота го привела і на недавну історічну конференцію Русинів до Пітсбурґу, де ся зышов із Варголовым сыновцьом Доналдом, котрый веде Надацію Енді Варгола. Тота Надація мать і харітатівный замір, бо помагать сиротам, котры стратили своїх родічів.  Подля слов Mихала Разуса то є якесь продовжованя „другого“ жывота Енді Варгола, о котрім многы люде ани не знають. Михал Разус вєдно з малярьом Мартіном Кудлом робили і на проєкті родокоріня Енді Варгола про Музей модерного уміня Енді Варгола, котрый є выставленый в Меджілабірцях.
(Петро Кімак-Фейко)