x

Пряшівська універзіта в Пряшові позывать днесь на День одкрытых двері

00

Здобыти подрібнішы інформації о штудію на Пряшівскій універзіті (ПУ) в Пряшові можуть інтересуючі з рядів штудентів середніх шкіл в часі осьмого річника Дня одкрытых двері якраз днесь. Як інформувала говоркыня ПУ Анна Полачкова,  на навщівників чекать представліня єднотливых факулт, цілоуніверзітных працовиск і штудійных проґрамів. Цілоденный проґрам ся одбуде в будинку Высокошколского ареалу на  Ул. 17 новембра 1 в часі  од 8.00 до 13.00 годины. В рамках універзітного містечка ся пунктово одпрезентують єднотливы факулты, інштітуты, меджі нима і  Інштітут русиньского языка і культуры, катедры, котры ся представлять з тым найліпшым, што понукають. Частьов Дня отвореных двері буде і традична дискусія з ректором універзіты На словічко пан ректор, котра ся одбуде од 10.30 до 11.00 год. Можность познакомити ся з понуков ПУ в Пряшові посередницьтвом Дня отвореных двері выужыє за словами Полачковой каждорочні скоро 2000 аж 3000 штудентів середніх шкіл. (TASR, Pkf)