В Стропкові ся днесь і завтра одбудуть традічны Рождественны ремеселны торгы. На намістю понукнуть навщівникам приближно 50 продайных шатрів з ремеселныма выробками і рождественныма шпеціалітами. Частёв торгів буде і културный проґрам, доброчінны актівіты і харітатівны збіркы. Як TASR інформовав говорця міста Стропков Петро Новак, торгы ся в Стропкові орґанізують од року 2007. Културный проґрам є напланованый в обидвох днях зо зачатком о 16.00 г. Протягом обидвох днїв буде ку діспозіції і пріматорьскый пунч, котрого вытяжок піде Дому дїтей Божого мілосерденства. В суботу ся одбуде і доброчінна подїя Ондавска капустніця, котру орґанізують Ондавскы утопенцї. Вытяжок з продая буде жертвованый Мішкови Войчекови на регабілітації.

(TASR, Шутіова)