Місто Сабінів зреконштруує середньовікы містьскы укріпліня і башты. Фінанції на обнову радніця здобыла з Европского фонду реґіоналного розвитку в рамках черезгранічного польско-словацького проєкту Мушына – Сабінів: Зміцнюєме сполочну културну дідовизну польско-словацького приграніча. Подля предносты Містьского уряду в Сабінові Мартіна Юдічака проєкт обсягує модернізацію і реконштрукчны роботы сердньовікых містьскых укріплінь і башт в Сабінові і на замку в Мушыні. Вытраты на реконштрукцію суть майже 860 тісяч евр, причім місто співфінанцує коло 43 тісяч. На замок в Мушыні піде 1,9 міліона евр.

(Медвідь, TASR)