Місто Свидник в місяці май здало будівницьку площадку парку фірмі GAS-MG s.r.o і послідній септембровый день є терміном, коли бы ся мала докінчити реконштрукція центра міста при сохі арм. ґен. Л.Свободы у Свиднику. Як про радіо Русин.фм пріматор міста Свидник Ян Голодняк повів, „іде о барз вызначный меджінародный інвестичный проєкт завдякы котрому ся проінвестує на польскім і словацькім боку єден міліон шістьстотісяч евр. На словацькім боку іде о суму 550.000 евр, котры суть призначены на реалізацію четвертой послідньой етапы рекоштрукції пішой зоны, котров ся докінчить реконштрукція міста“. Завдякы проєкту з назвом „Ескапады на князьскій дорогі“ в котрім ведучім партнером є польске місто Ярослав Місто Свидник окрім іншого выбудує в центрі міста културно-оддыхову зону, зреалізує реконштрукцію пішників і місць на паркованя, дасть нову подобу травнатым територіям, высадять новы квіткы, крякы , дерева і прибудуть і новы лавкы, кішы на смітя, підставці про біціклі, новы світла і інформачны таблиці.
(Кімак-Фейко)