Місто Снина глядать реалізаторів документації на енвіропроєкты в рамках розсяглого проєкту – Місто приготовлене на кліматічну зміну. Предметом двох вызв верейного обстараня, котре самосправа опубкліковала на своїй інтернетовій сторінці, є здобыти проєктову документацію выбудованя сухого полдра на Тарновскім потоку і реалізацію трьох парків. Полдер мать служыти на періодічне заплавльованя і затримованя надмірного одтоку з можностьов реґулації по приваловых доджах до близкой рікы. Проєктова документація на ревіталізацію парків мать рішыти три локаліты, історічный парк, котрый є народнов културнов памятков, парк коло Домова покійной старобы і Централный кліматічный парк. Послідній датум на приголошіня є 31-ый януар. (TASR, Pkf).