Стара Любовня кандідує на тітул Місто културы 2020. В рамках дотачного проґраму Фонду на підпору уменя ся вєдно із Новыма Замками і Спішсков Новов Всов дістала до фіналовой троїці. Поступом до фінале Стара Любовня уж здобыла майже 8 500 евр на приготовліня пропаґачных матеріалів, в котрых буде свій проєкт презентовати. Подля директора Любовняньского освітнього центру Мартіна Караша ся буде робити пропаґачне відео, респектівно короткый філм. В припаді здобытя тітулу бы з того мали хосен вшыткы жытелі міста і реґіону, проєкт бы приніс і різны матеріалны бенефіты, як наприклад оддыховы зоны ці выбавліня ку културным подіям. Стара Любовня може, покля стане переможцьом, здобыти аж 300 тісяч евр плус 60 тісяч на тзв. довезену културу, значіть великы културны тілеса. В рамках першого річника Містом културы 2019 стала Баньска Щавніця з проєктом Баньска Щавніця 2019 – Реновація ідентічности.

(Медвідь, TASR)