У віці 86 років умер 13-го новембра в Пряшові знамый танечник і хореоґраф Юрій Ґоґа, родак з Меджілаборець. Зачінав як танечник в Україньскім колектіві пісні і танців, днесь є то наш професіоналный колектів ПУЛС, котрый выникнув в його родных Meджілабірцях в році  1953. Пізніше перешов до Братіславы, де танцьовав в SĽUK-у і  Воєньскім умелецькім колектіві. Кінцьом 50-ых років охабив фолклор і став солістом балету Штатного дівадла в Кошыцях. Од зачатку вісемдесятых років aж до одходу на пензію в році 1996 быв умелецькым шефом і хореоґрафом балету. В році 1962 ся дістав на пост солісты балету Штатного дівадла Олджіха Стібора в Oломовці. Як хореоґраф ПУЛС-у приготовив понад двадцять ціловечерных музично-танечных проґрамів, з котрыма ся колектів успішні презентовав дома і за граніцями. Вічная єму память і блаженый покой. (АК)