Памятковый уряд СР мать обновити дакілько обєктів і выбраных частей Клаштора картузіанів в селї Червеный Клаштор. Вышка проєктового ґранту є 1,1 міліона евр, причім фінанції походять з норскых фондів. TASR о тім інформовав Бранїслав Резнік з ПУ СР з тым, же проєкт мать быти законченый до 27. януара 2023.,,Цїлём проєкту є на єднім боцї затрактівнити єдну з головных господарьскых будов клаштора а конвенту клашторного ареалу про навщівників, а то формов і обсягом зажытковой навщівы памяткы, а на другім боцї вытворити условія про дошколёвачі актівіты в области охраны памяток,” приближив ПУ СР.

(TASR, Шутіова)