Крайскы депутаты схвалили на своїм понедільковім онлайн засіданю трьох лавреатів на Ціну Пряшівского самосправного краю. Дістане єй актор Ян Ґалловіч, протосінскел Пряшівской ґрекокатолицькой архієпархії Любомір Петрик, і лікарь Андрей Гаврілла in memoriam. Оціненых выбрали спомеджі 18 пропозіцій. Святочне передаваня цін одбуде ся 14-го децембра вєдно за рік 2021 і 2020, кедьже минулый рік не могло одбыти ся передаваня. Любомір Петрик Ціну ПСК дістане за міморядне насаджіня при коордінації приправ і проходжіня навщівы Папы римского Франціска в Пряшові. Быв головным коордінатором той події. Співпрацу на такій події споробовав собі вже у 1995-ім році при навщіві святого Йоана Павла ІІ.

(Медвідь, TASR)