Америцькый міністер загранічных справ Марко Рубіо в неділю прилетів до Женевы, де зачали ся їднаня меджі лідрами Брітанії, Францюзька і Нiмецька зо заступцями США і Україны о америцькім плані на скінчіня войны на Україні. Інформує о тім аґентура AFP. Сполучены штаты у четверь представили Україні міровый план підпорованый презідентом США Доналдом Трампом. В пятніцю Трамп выголосив, же „сучій” термін на то, жебы ся україньскый презідент Володимир Зеленьскый к договoру высловив, є 27-ый новембер, кідь США будуть святковати День вдячности. План од Україны наприклад выжадує, жебы Росії одступила цілый Донбас і завязала ся, же николи не вступить до НАТО. Київ мать ся тыж завязати, же україньска армада буде мати максімално 600.000 вояків. Сполучены штаты і їх европскы союзници мають за тото Україні ґарантовати безпечность.Европскы штаты але вчера тыж представили свою протипропозицію к міровому плану Сполученых штатів про Україну. Дальшы дні укажуть реалность скінчіня войны на Україні. (TASR, Пкф)