Стовкы мостів в Чехії потребують оправу, або суть уж узаперты. Неодкладну ґенералку потребує міст, котрый на Мораві споїє Вышков з промысловым пeредмістём. Ставба, котра ся тягать над фреквентованов железнічнов штреков меджі Бырном і Остравов, є подля цестарів годночена ступнём VII а з технічного боку є в гаварійнім ставі. Портал iDNES увів, же мать ку діспозіції офіціалный перегляд о ставі мостів в цілій републицї. Подобных мостів є в Чехії 84. На части з них є про безпечність заказанo перемаваня возідел. Іншы суть провізорно підперты і чекають на реконштрукцію. Далшых приблизно 1500 мостных конштрукцій дістало од техніків по докладній контролї у вшыткых краёх другу найгоршу знамку (оцінку), ступінь VI. Цілково є в Чехії 1646 мостів в крітічнім і десяткы з них суть в гаварійнім ставі.

                                                                                                                                             (TASR,Шутіова)