Членьскы державы в Раді Европской унії в понедільок в Луксембурзі вырішыли о продовжіню господарьскых санкцій даных на Росію по анексії україньского півострова Крим і міста Севастополь. Згодли ся, же режім санкцій продовжать до 23-го юна 2026-го року. Рештріктівны крокы были першый раз запроваджены в юні 2014-го року, і обсягуть заказ імпорту товарів, котры походять із окупованого Криму а Севастополя до ЕУ, і інвестіцій до тамтешньой інфраштруктуры, фінанчных служеб і турістічного руху. Санкції европского блоку суть і на експорт товарів а технолоґій на анектованый Крим або на їх выужытя в секторі транспорту і енерґетікы, а в енерґетічнім промыслі, в здобываню ропы, земного ґазу і мінералів. Унія повторяно акцентовала, же не признавать і одсуджує незаконну анексію Криму і Севастополя як порушіня меджінародного права.

(Медвідь, TASR)