Ґрупа Лавреаток Нобеловой премії за мір апеловала в понедільок на Мадрід і Барцелону, жебы пробовали медіацію, респектівно пробовали о їднаня напрямены на мірове вырішіня патовой сітуації, в котрій ся знайшла Іспанія по каталаньскім референдумі о назалежности. Інформовала о тім аґентура Associated Press. Вецеро лавреаток міровой премії написали вечур перед віторняйшым засіданьом каталаньского парламенту, на котрім ся очекує приятя выголошіня о незалежности, свої рекомендації до писма. Пише ся в нім, же ани єдна сторона конфлікта не є без хыбы і зато бы мали приступити ку медіації і їднаням, котры бы міровым рішіньом доказали успокоїти цілу выникнуту сітуацію.
(Петро Медвідь)