Называть ся Мірова рада. Мадярьско є меджі основаючіма державами, затоже Мадярьско потребує мір, жебы ся могло розвивати,” написав мадярьскый премєр. Конштатовав то в приспівку на соціалній сїтї Фейсбук у четверь по підписаню документу о заложіню Рады міру. Подля ёго слов война огрожує вшытко, што было выбудоване. Война приносить інфлацію, санкції, высокы цїны енерґій і упадок народных економік, додав. ,,Мадярьско ся але не хоче вернути назад, але іти до переду. Зато підпоруєме а своёв участёв посилнюєме вшыткы меджінародны ініціатівы, котры передходжають войнам і обмеджують їх а ґарантують безпечность а покой народів і родин. На тім робиме днесь в Давосі а будеме в тім продовжовати в Бруселї,” додав Орбан. ,,Єствуючі меджінародны інштітуції злигали, зато є у світї тілько конфліктів а зато єствують реґіоны, в котрых суть войны. Кедь будеме так дале продовжовати, буде їх штораз веце. Треба заставити то, што сьме робили дотеперь, а вытворити новы інштітуції,” пояснив премєр в пізнїшім відеу опублікованім на Фейсбуку вступ Мадярьска до Рады міру.

(TASR, Шутіова)