Макрон стрітив ся з Ціхановсков
00

Французькый презідент Еммануел Макрон днесь почас навщівы Літвы стрітив ся з білоруськов опозічнов лідерьков Святланов Ціхановсков. Як інформовали літовскы медії, стріча проходила в столиці Літвы Вілнюс. Подля говорцю Ціхановской, опозічна лідерька хотіла Макронови тлумачіти своє пересвідчіня, же новы презідентьскы вольбы мусять быти в Білоросії іщі тот рік. Ціхановска бы хотіла, жебы крізу медіовали іншы країны включно Франції. Вірить, же за політічны зміны в Білоросії ся єднотно поставить ціла Европска унія.
(Медвідь, TASR)
-
Назад / Nazad Мадярьска міністерка вызывать Йоурову, жебы одступила по крітіці Орбана
-
Далше / Dalše Ґреція пересувать міґрантів на певнину, жебы злїпшыла условія в таборах