Німецька канцеларька Анґела Меркелова в суботу в Москві в повязаню з наростаючім напятьом на Близкім выході, але і в іншых областях світа, стрітить ся з російскым презідентом Владиміром Путіном. Інформовала о тім аґентура Associated Press. Як повів говорця Меркеловой Штеффен Сайберт, канцеларька буде з презідентом говорити о сучаснім меджінароднім напятю а занимати ся будуть і актуалнов сітуаційов у Сірії, Лібії, Ірані, Іраку, на Україні, як і білатералныма справами. Канцеларьку буде допроводити німецькый міністер загранічных діл Геіко Маас.

(Медвідь, TASR)