Міністер загранічных дїл СР Мірослав Лайчак пришов у четверь до Анкары на білатералну навщіву Турецькой републікы, котра ся одбывать на позваня ёго резортного партнера Мевлута Чавушоґла. Лайчак на увод навщівы говорив і з председом Загранічного выробу Великого народного згромаждїня Турецькой републікы Волканом Бозкіром. Партнеры діскутовали о актуалных загранічнополітічных вопросах, о ревіталізації сістемы Орґанізації Споєных народів, потребі єй реформы, чі о Аґендї 2030 про неперерывно утримательный розвиток. Міністер Лайчак в рамках робочого проґраму положыв вінець в мавзолеу Мустафу Кемала Ататурка, основателя і першого презідента Турецькой републікы а в рамках пєтного акту ся записав і до памятной книгы.

(Шутіова, TASR)