Німецькый канцеларь Олаф Сцголз призначів днесь за наступцю одкликаного міністра фінанцій Хрістіана Лінднера свойого бывшого економічного порадцю і дотеперішнього секретаря даного резорту, Йорґа Кукіеса, інформує о тім аґентура DPA.  Схолз вчера одкликав з даной функції Лінднера. Тот є єдночасно председом Незалежной демократічной партії (FDP), котра по його одкликаню ознамила, же з тройстранной тзв. семафоровой коаліції стягує вшыткых своїх міністрів. Выголосіня партії днесь частково дементовав німецькый міністер транспорту Волкер Віссінґ, котрый ознамив, же оставать у своїй функції. К одкликаню Лінднера дошло в часі конфліктів в тзв. семафоровій тройкоаліції зложеной зо Схылзовых соціалных демократів (SPD), подникательскы орєнтованых лібералів і Зеленых, котра є глубоко розділена у вопросах економічного спрямованя країны. Схолз вчера інформував, же 15-го януара буде Сполковый сейм (Bundestag) голосувати о высловіню довіры його владі. Очікує ся, же Схолз голосуваня програть. (TASR, Pkf)