Німецька міністерка внутрішніх справ Нансі Фаесерова в понедільок оголосила обновліня паспортовых контроль на вшыткых земскых граніцях Німецька, інформує о тім аґентура Associated Press. Цільом є обмеджіти нелеґалну міґрацію і огрожіня з боку ісламістічных і злочінных черезгранічных орґанізацій. Гранічны контролі почнуть 16-го септембра і очекує ся, же будуть тырвати шість місяців. Фаесерова о тім уж інфромовала Европску комісію. За словами міністеркы Німецько посилнює внутрішню безпеку посередництвом конкретных кроків і далше має строгу позіцію односно нелеґалной міґрації. Берлін ку тому кроку приступив по атаці ножом, ку котрій дішло в авґусті в місті Солінґен. Вмерли при ній три особы і далшых вісем было зраненых. Головным підозрілым є 26-річный муж із Сірії.

(Медвідь, TASR)