Тіло найджене в бункрі з другой світовой войны на ґрецькім острові Крета патрило америцькій научній робітниці Сюзан Еатоновій, котра была приближні тыждень страчена. Інформувала о тім вчера BBC. Еатонова робила як мікробійолоґічка в Інштитуті Маха Планка в німецькім місті Драждяны і на Креті была участничков науковой конференції. Страчена была од 2-го юла, кедь собі ішла забігати. Єй тіло нашли по шетьох дньох двоє містны жытелі. За інформаціями справодайского порталу CretaLive з выслідків судной питвы выходить, же Еатонову хтось задусив. (TASR, Пкф)