Одповідь Ізраіля на масивну атаку палестіньского мілітантного руху Гамас із Ґазы „змінить Близкый выход“, повів у понедільок ізраільскый премєр Бенъямін Нетанъягу. Тото, што зажыє Гамас, буде подля премєра тяжке і страшне. Нетанъягу ся так высловив перед старостами міст і сел на югу Ізраіля, котры в суботу рано засягла несподівана атака з Ґазы. Ізраільскый председа влады продовжовав, же тото є лем початок і Ізраіль поразить Гамас величезнов силов. Палестіньскый рух Гамас в суботу рано з Ґазы заатаковав тісячами ракет Ізраіль, причім його мілітанты на многых міцях проникли на ізраільску теріторію. Ізраіль реаґовав інтензвівныма атаками на Ґазу посередництвом літаків і артілерії.

(Медвідь, TASR)