До Польщі в понедільок пришла перша часть додавкы салвовых ракетометів HIMARS із Споєных штатів. Іде о часть намаг о модернізацію польскых озброєных сил, якы суть повязаны з войнов на Україні, інформує аґентура Associated Press. На святочнім перевзятю новых ракетометів на авіабазі у Варшаві брав участь польскый міністер обороны Маріюш Блащак і представителі польской армії. Блащак припомянув, же америцькы ракетометы HIMARS ся того часу добрі освідчують в боях на Україні. Варшава собі подля нього хоче обстарати приблизно 500 сістем артілерії.

(Медвідь, TASR)