Не є можливе дозволити, жебы російскый презідент Владимір Путін дав клин меджі приятелів США і Североатлантічну аліанцію, выголосив у понедільок підвечур в Будапешту по стрічі з міністром загранічных діл Мадярьска Петром Шіярто шеф америцькой діпломації Майк Помпео, котрый в мадярьскій столиці зачав своє европске турне. Подля інформачного сервера origo.hu Помпео авізовав актівнішу присутность Споєных штатів у середній Европі і означів за неприятельне, же ся США тримали далеко од той области. „Спробуєме в тім реґіоні укріпити бізнісовы односины,“ повів Помпео з позначков, же де Споєны штаты не діють, там не докажуть ани просадити свої інтересы. Подля шефа америцькой діпломації суть односины зо середньов Европов про США важны і хотять вытворити діалоґ.

(TASR, Медвідь)