Російскый презідент Владімір Путін мать замірь продовжувати в атакованю Україны, покы Запад не приступить на його міровы условія. Тото твердять, подля агентуры Reuters, три неназваны джерела близкы Кремлю. Путін ся, подля них, не настрашыв грозьб америцького презідента Доналда Трампа і є можне, же свої теріторіалны пожадавкы іщі розшырить з поступом російскых сил на Україні, інформує TASR. Трамп в послідніх дньох повторюючо высловив неспокойность з Путіном і в понедільок варовав Росію, же ак не скінчіть конфлікт на Українї до 50 днів, увалить на єй торговых партнерів стопроцентны секундарны цла. Трамп тыж ознамив нове доданя зброї на Україну.  Говорця Путіна Дмітрій Песков у второк повів, же Москва бере новы выголошіня Трампа о сітуації на Україні важно і планує їх аналізовати. Шеф Кремля але, подля джерел, вірить, же російска економiка і армада суть достаточно силны на то, жебы противостояли хоцьякым далшым опатріням Западу. (TASR, Пкф)