Америцькый презідент Доналд Трамп підписав у понедільок наряджіня о запроваджіню фінанчных санкцій на іраньского найвысшого вождя аятоллага Аліго Хаменеіго і його людей. Інформовали о тім аґентуры Associated Press і AFP. Хаменеі є подля Трамповых слов прямо зодповідный за дестабілізуючі актівности Ірану. Доналд Трамп выголосив, же будуть продовжовати в тиску на Тегеран, причім додав, же Іран не буде мати ниґда нуклеарьну зброю. На марґо новых санкцій підкреслив, же Споєны штаты не глядають конфлікт з Іраном і санкції в залежности од далшых кроків Ірану можуть скінчіти завтра, або можуть тырвати рокы.

(Медвідь, TASR)