Гасічі в Хорватії боюють з лісныма пожарами, котры вчера выпукли недалеко берегів міста Водіце в Шібеніцко-кнінскій жупі. Обываны області подля містьстного гасічского збору не суть в огрожіню. Пресаґентура TASR перевзяла справу з аґентуры  HINA. При пожарох засягує днесь веце як 100 гасічів, увела хорватьска гасічска асоціація. Єден з двох пожарів в Шібеніцко-Кнінскій жупі ся захранным частям подарило достати під контролю, пише  HINA. При гасіню там помагало і сім гасічскых летадел. Споминаны пожары подля началника містьтного гасічского збору знічіли асі 350 аж 400 гектарів веґетації. (TASR, Pkf)