Великый страговскый штадіон, знамый головно спартакіадами, ся змінить на европскый технолоґічный і тестовачій центер. Закладаюче меморандум проєкту підписали заступцёве міста Прага, Чеського высокого учіня технічного (ЧВУТ) і бізнісовы партнеры, інформує о тім справодайкыня TASR в Празї. Занедбаный штадіон, котрый довгы рокы хатравіє, перейде великов реконштукціёв. Єй резултатом бы мав быти центер про іноватівны фірмы і тестованя наймодернішых технолоґій, враховано роботів. Амбіціёв проєкту є перепоёвати подникательске і академічне середовище. В близкости штадіона стоять высокошкольскы інтернаты ЧВУТ а містны штуденты так будуть мочі сполупрацовати з іноватівныма фірмами. Чеськы і загранічны подникателї зась можуть простїше ословити новы таленты.

(TASR, Шутіова)