Членьскы державы Европской унії на понедільковім засіданю Рады Европской унії про загранічны діла не добісідовали ся на приятю 20-го паклика санкцій проти Росії. Шефка діпломації ЕУ Кая Каллас назначіла, же договор окрем Мадярьска блоковала і Словакія. „На різных уровнях комунікуєме з мадярьскыма і словацькыма колеґами, жебы сьме з тым пакликом продовжовали. Не є то просте, але робота продовжує. Барз ня мерзить, же сьме днесь не досягли договор,“ повіла Каллас з тым, же їднаня проходили день перед річніцьов початку войны, і подля ньой є справды потребне послати сілны сіґналы Україні, же їй Унія і далше помагать, а єдночасно же робить векшый тиск на Росію.

(Медвідь, TASR)