Мадярьскый презідент Тамаш Шуйок не буде публіковати детайлы милости в педофілній кавзі уділеній свойов опередничков Каталін Новаковов. З одкликаньом ся на інформацію сервера telex.hu о тім інформує TASR. Новакова 11-го фебруара зрекла ся посады презіденткы в повязаню з кавзов амнестії мужа одсудженого за крытя припаду сексуалного молестованя в дітьскім домові. Як повів сучасный презідент Шуйок, голова державы не має можливость публіковати даны, котры выникли в повязаню з рішінями о милости своїх опередників. Публіковати детайлы жадав опозічный посланець парламенту з партії Momentum Давід Беде. Опозічный посланець в жадости написав, же люди мають право знати, чом Ендре К. дістав милость, а так само мають правно знати, кілько подібных амнестій было уділеных.

(Медвідь, TASR)