Німецька канцеларька Анґела Меркелова і японьскый презідент Шінзо Абе в понедільок выголосили почас Меркеловой навщівы в Японії, же ся будуть намагати мінімалізовати вплив одходу Великобрітанії з Европской унії на світове господарьство, інформовала аґентура Associated Press. Лідры ся договорили на продовжованю вольного обходу. Як повів Абе, Японія і Европска унія суть теперь найвекшов економічнов зонов світа і вєдно докажуть забезпечіти роснутя ґлобалной економікы. Зачатком фебруара зачав платити Договор о господарьскім партнерстві меджі Унійов і Японійов. Выникла так зона вольного обходу про 635 міліонів людей і майже третину грубого домашнього продукту світа. Японія і Німецько договорили ся і на черяню тайных інформацій з цільом білатерлано підпорити безпечность і протитерорістічны операції.

(Медвідь, TASR)