Серьбскый презідент Александер Вучіч вызвав в неділю Североатлантічну аліанцію, абы собі “робила свою роботу“ в Косові. Інакше подля нього Сербія подникне крокы на охрану тамтешной серьбской меншыны. Пресаґентура TASR справу перевзяла од аґентуры  AP. Вучіч мав выступ в телевізії пару днів по тім, як дальшы політичны їднаня серьбскых і косовскых лідрів в Бруселі, котрым посередником была Европска унія, непринесли ниякы выслідкы.  Напятя медзі Сербійов і Косовом знова ся звышыло в юлі, кедь влада в Пріштіні декларовала, же на терітроії Косова уж небудуть платны серьбскы леґітімації тотожности ани евіденчны чісла авт. Серьбія аплікує такы опатріня протів жытелям Косова уж десять років, приближує  AP. (TASR, Pkf)