Безпечностна рада Орґанізації зъєдиненых народів у понедільок прияла резолуцію о войні на Україні пропоновану Споєныма штатами. Резолуція вызывать на скоре закінчіня войны, але не споминать російску аґресію ці теріторіалну цілость Україны. То першый раз, што найміцнішый орґан ОЗН дішов до сполочного рішіня о войні на Україні, припоминать аґентура DPA. За резолуцію голосовало десять країн, пять ся стримало. Споєны штаты голосовали вєдно із Російов і Кітайом за, покля пять европскых держав у Безпечностній раді – Великобрітанія, Франція, Словенія, Данія і Ґреція, стримало ся голосованя. Брітанці і Французы притім мали теоретічно право ветовати резолуцію. Резолуції БР ОЗН суть подля меджінародного права обовязуючі.

(Медвідь, TASR)