x

Буде ся голосувати о недовірї румунской влады

00

Румуньскій опозиції ся подарило в парламенті просадити голосуваня о выголошені недовірї владі премєркы Віоріці Данцілаовій зо Соціалнодемократічной партії. Інформувала о тім аґентура DPA. Шість опозичных партій обвинило Данцілаову з неспособности, розмітуваням общіх джерел і неефектівного хоснованя еврофондів. За пропозицію ся своїма голосами высловило 237 посланців, причім на його одобріня было потрібных найменше 233 підписів. (TASR, Pkf)