Україньскый презідент Володимир Зеленскый, котрый в понеділок інформував, же ся наінфіковав коронавірусом SARS-CoV-2, є госпіталізуваный. Інформувала о тім днесь аґентура RIA Novosti. Позітівный выслідок тесту на коронавірус мав і шеф Зеленского канцеларії Андрій Єрмак, котрый є тыж в шпиталю. Порадця шефа презідентской канцеларії Михаіл Подоляк  повів, же Зеленскый і Єрмак продовжують у своїй роботі зо шпиталя, ‟єдиным їх обмеджіньом є ізолація‟. (TASR, Pkf)