Неформалне засіданя лідрів 16 штатів ЕУ на тему азіловой і міґрачной політикы, котре ся одбыло вчера в Бруселі, принесло „много доброй волі“ гледати сполочне рішеня. На конець тзв. мінісаміту то выголосила німецька канцеларка Анґела Меркелова. „Будеме продовжувати в роботі на рішені даных проблемів в наступных днях – перед засіданям Европской рады і по ній,“ цітовала шефку німецькой влады аґентура ДПА. Меркелова притім наражала на будучотыждньовый рядный саміт ЕУ в Бруселі. Меркелова єдночасно у тім звязку підкреслила, же утеченці собі неможуть „выберати, котра країна ЕУ буде спрацювавати їх жадость о азіл“.
(TASR)