Коло 7000 участників выставкы з вецей як 100 країн бере участь на єднім з найпрестіжнішых потравинарьскых ярмарків світа СІЯЛ Паріж, котрый ся зачав вчера в головнім місті Франції. На 27. річнику акції, котра ся одбывать каждый другый рік, беруть участь і многы компанії зо Словакії. Міністерство землегосподарства і розвоя реґіону СР навецей з той нагоды зорґанізувало подникательску місію, на котру зобрали заступників многых словацькых, головно меншых компаній, абы ся за словами шефкы аґрорезорту Ґабрєлы Матечной іншпірували і віділи, же ся дать просадити і у вынятковій твердій конкуренції. Як далі Матечна повіла, „ Словакія є країнов, котра мать нато, мать іновативных і креатівных людей на то, абы сьме премійовы выробкы посунули десь інде, мімо нашой країны а зліпшыли так біланцію, котра є вынятково неґатівна, пасівне салдо котре мать наша країна.“
(TASR)
Фото: TASR