Велика часть Европы в тот тыждень очікує выняткову горячу літню погоду, што выкликує обавы з огрожіня общого здоровя, інформує аґентура DPA. У Франції, де з причины вовны горячобы прийшло в 2003-ім року о жывот 15.000 людей, міністерка здравотницьтва Аґнес Бузінова вызвала шыроку общність, абы проявили солідарність. В дакотрых реґіонах Франції мать температура перекрочіла аж 40 ґрадусів Целзія. Вынятково высокы теплоты зазначіли і в югозападнім Німецьку, де ортуть в дакотрых реґіонах ся достала на скоро 40 ґрадусів. Така самы теплоты зазначіла  Італія і Іспанія. На берегах Ядранского моря в Словінску і Хорватії досягли теплоты 37 ґрадусів. (TASR, Пкф)