Епідемія коронавірусу в Чайні собі уж вымогла вецей як 1600 жертв. Найновшы дані опубліковала аґентура AFP з одкликаням ся на чіньскы здравотны уряды. У своїй каждоденні біланції чіньскы уряды увели, же евідують 1843 новых припадів наінфікованых коронавірусом. То значіть, же появліня новых припадів мать уж по третій день понижуючу тенденцію, кедже в попередній день їх было евідованых 2420. AFP інформувала, же од выпукнутя епідемії на ню в Чайні вмерло уж найменше 1662 людей і вецей як 68 000 ся наінфіковало. Векшына жертв походить з провінції Ху-пей, котра є епіцентром епідемії. (TASR, Pkf)