Голандска влада ознамила, же приправує леґалізацію евтаназії невылічітельных хорых дітей у віку од єдного до 12 років. Як інформувала аґентура AFP, міністер здравотницьтва Гуґо де Йонґе пояснив, же пропозиція правной нормы буде приправена на основі штудії одборників, котра указала, же хоры діти ,,безнадійно і болячо терплять“. Де Йонґе додав, же штудія зреалізована лікарьскыма одборниками, котру собі обїднало його міністерство указала, же зміна правил в доступности к евтаназії бы рочні могло выужыти пять аж десять дітей. (TASR, Pkf)