Кількость жертв ся по двох четверёвых атакох в єменьскім приставнім містї Аден підвышыла на найменше 60, інформовала о тім аґентура DPA з одкликанём ся на владны здрої. Ку одповідности за атак на табор в западній части Адену бігом переглядкы безпечностных зложок ся приголосили шіітьскы повсталцї званы гусіове. Їх говорця у зверейненім пресовім выголошіню увів, же атаковали дроном і балістічнов стрілов. Табор патрить половоєньскым єдноткам, котры коаліції ведженій Савдсков Арабіёв помагають в бою проти повсталцїм, увела аґентура Reuters.

(Шутіова, TASR)