До ґрупы людей в німецькім місті Мюнхен днесь вразило авто, пораненых є найменше 15 особ, написав подля аґентуры Reuters німецькый денник Bild. Поліція чісло пораненых покы непотвердила, шофера затримала на місці.  Далшы обставины не суть знамы. На місці акту недалеко главной желізнічной станіці в метрополі Баварія реалізує ся розсягла поліцайна операція, котра мать сітуацію обяснити, увів говорця поліції без дальшых конкретности. К інціденту дошло лем день перед зачатком Мюнхеньской безпечностной конференції, котра потырвать од пятниці до неділі. Подля очікуваня ся попри ній стрітнуть америцькый віцепрезідент Й. Д. Ванце і україньскый презідент Володимир Зеленьскый. (TASR, Pkf)