Турецькый презідент Речеп Тайїп Ердоґан передложыв парламенту на ратіфікацію протокол о вступі Швеції до Североатлантічной аліанції. В понедільок о тім інформовала Ердоґанова канцеларія, пише аґентура Associated Press. Канцеларія турецького презідента інформовала, же Ердоґан підписав приступовый протокол Швеції, котрый наслідно послав до парламенту. Термін голосованя турецького парламенту о членстві Швеції в НАТО затля не є знамый. Шведьскый премєр Улф Крістерссон рішіня турецького презідента привітав. Associated Press припоминать, же вступ нового члена мусить схвалити вшыткых 31 членьскых країн Аліанції. Дотеперь го не ратіфіковали лем Турція і Мадярьско.

(Медвідь, TASR)