Турецькый презідент Речеп Таїп Ердоґан підпорує вступ Швеції до Североатлантічной аліанції і штохвіля тото діло передложыть на схваліня турецькому парламенту. По понедільковім їднаню з турецькым лідером і шведьскым премєром Улфом Крістерссоном у Вільнюс о тім інформовав ґенералный секретарь НАТО Єнс Столтенберґ. Шеф Аліанції то оцінив як історічный день, но не уточнив, коли бы могло дійти ку вступу Швеції до орґанізації. Швеція подала приглашку до НАТО вєдно з Фінландійов. Вступ Фінландії до Аліанції уможнила Турція на ярь того року, но веце раз крітіковала Швецію, же дає притулок терорістам, головно курдьской народности.

(Медвідь, TASR)