Европска унія повно підтримує комплексный план передложеный америцькым презідентом Джов Байденом, котрый бы вів ку тырвалому перемірю в Пасмі Ґазы, пропущіню вшыткых в полоні і звекшіню гуманітарной помочі про палестіньску енклаву. Аґентура TASR о тім інформує на основі віторкового выголошіня шефа европской діпломації Жосепа Боррелла. Унія далше оцінила намагы Споєных штатів Америкы, Еґіпта і Катару при тім, як злегшують переговоры з цільом закінчіти войну меджі Ізраільом і палестіньскым рухом Гамас, а єдночасно забезпечіти безпеку Ізраіля, ку котрій Унія далше повно обовязує ся, пише ся у выголошіню. Унія вызвала обидві стороны прияти трифазову пропозіцію і є пририхтована помочі ожывліню політічного процесу на досягненя тырвалого і утримательного міру, основаного на дводержавнім рішіню.

(Медвідь, TASR)