Україньскый презідент Володимір Зеленьскый почас відеоприговору, котрый быв публікованый днесь в ночі на соціалній сіті Телеґрам, апеловав на западны країны, жебы ускорено прияли твердшы санкції односно Москвы, котры бы были „ефектівны“ і „важны“, включно ембарґа на довоз ропы з Росії. Інформацію принесла аґентура Reuters. Зеленьскый повів, же Українці за слабы і нефунґуючі санкції платять тісячами жывотів. За його словами, покля бы ся были прияли строгы превентівны санкції, не мусило ани прийти ку інвазії. Презідент додав, же „Українці бы не мали вмерати лем зато, бо хтось не знать найти достаток одвагы додати Україні потрібну зброю“.

(Медвідь, TASR)