Україньскый презідент Володимір Зеленьскый припомянув у понедільок пізно вечур світу ядрову катастрову в Чорнобылю. Высловив ся так у своїм штоденнім ночнім прояві, і то в повязаню з недавным острільованьом Запорожской атомовой електрарні. Лідерів западных могучостей єдночасно вызвав на приятя далшых санкцій. Запорожска атомова електрарня є найвекшов свого тіпу в Европі. Російскы інвазівны силы захопили єй іщі в марці. В попередніх днях дішло в дослідку острільованя ку „важному пошкоджіню“ дакотрых обєктів, і єден з реакторів мусив быти выключеный. Світ бы подля Зеленьского не мав забывати на Чорнобыльску катастрофу з тым, же там выбухнув лем єден реактор, але Запорожска електрарня має шість реакторів.

(Медвідь, TASR)