x

З боку многых Українців не є охота ся заскіпити протів коронавірусу

00

Конзорціюм Pfizer-BioNTech додасть Україні десять міліонів давок свойой вакціны протів захворіню COVID-19. На своїй твіттеровій сторинці о тім вчера інформував україньскый презідент Володимир Зеленскый. Скіпіня протів ковіду ся на Україні зачало кінцьом фебруара, кідь Кієв достав 500.000 давок вакціны выробленой компанійов AstraZeneca. В марці на Україну прийшло і 215.000 давок скіпячой латкы китайской компанії Sinovac Biotech. В країні затля достало першу давку вакціны лем коло 300.000 людей бо з боку многых Українців не є охота ся заскіпити. Україна офіціалні зазначіла до днешнього дня веце як 1,7 міліонів припадів інфікації коронавірусом і выше 35.000 у тім звязку смертелных пригод. (TASR, Pkf)